«
»

{ حصص التاريخ .. وماأدراك ماهي !!

By coloration

اليوم الصبح قمت متحمسة .. وسويت لي جدول مراجعة ..
لأني كل مادقيت على بنت قالت لي راجعت مادتين ثلاث .. حتى اللي ساحبين عالدراسة ..

قلت وش زودهم عني .. اراجع انا بعد .. مع اني ماعترف بالمراجعة ..
بس عشان احس اني ثالث قلت اغير طريقة مذاكرتي :)
بديت بالتاريخ .. بما انها من المواد اللي ماحبها { وياكثرها هالمواد :S

أول شي مسكت سيرة الملك عبدالعزيز – رحمه الله – اتذكر يوم ناخذ هالدرس كانت الحصة السابعة ..
والبنات كلهم نايمات ..

img_2937.jpg

الاستاذة تشرح : وفي ليلة العيد استعد الملك لدخول الرياض ..
فجأة رفعت بنت راسها من ع الدرج { كانت نايمة : استاذة عندي سؤال ..
الاستاذة استانست احد تفاعل معها : تفضلي :)
نورة : الحين الملك عبدالعزيز فهالوقت كان متزوج ؟
الاستاذة : الحين انتي نايمة طول الحصة وآخرتها تسالين هالسؤال !! :@
نورة : أجل يترك زوجته يوم العيد .. والله حرام مسكينة :( {  بسم الله عليها قلبها طيب ..
الاستاذة : نورة شرايك ترجعين تنامين ؟
نورة : طيب ( ورجعت حطت راسها عالدرج ) { بنت مطيعة ماشاء الله ..

~،،~،،~

أما آخر درس في التاريخ .. كان عن الملك عبد الله ..
والبنات تحمسوا .. قالوا مايصلح نتكلم عن بو متعب زي مانتكلم عن اي احد ثاني { يبون يسوون أكشن باي طريقة :/
واتفقوا كلهم يلبسون ابيض واخضر ( والشتاء ساعدنا .. لبسنا جاكيتات وشالات ) + بروشات واعلام بكل الاحجام ..
وكل من دخل علينا .. هاوشنا ليه لابسين كذا ؟ نقولهم عندنا درس بالتاريخ :) وهم يصدقون ويسكتون ..
جت حصة التاريخ وكنا خايفين .. أكيد وصلها الخبر من الاستاذات ..
قبل ماتدخل .. طلعنا البروشات والاعلام ولبسناها .. وبين كل طاولتين حطينا علم ..

طلع شكل الفصل رهيـــب .. كننا فملعب { يمديكم عالتشبيه .. :p

img_2960.jpg

http://t7mel.com/b/uploads/63761d76c9.jpgدخلت الاستاذة وهي مستااانسة .. حنا وجيهنا كذا >> :|
قالت : ليه ماقلتوا لي كان ناديت الموجهة تحضر لكم .. وكان لبست زيكم بعد ..

من الصدمة سكتنا .. كنا متوقعين هواش .. بس صبحان الله ..
قامت بنت وعطت الاستاذة بروش فيه صورة الملك قالت لها ولا تزعلين خذي البسي هذا ..
استانست المدرسة وقالت خلاص انتوا اشرحوا الدرس .. وقمنا شرحنا بدون تحضير ولا شي ..
بس كانت حصة رهيبة .. وللحين مانسيت ولا معلومة من هالحصة :)

~،،~،،~

خلصت ذكريات .. وسكرت الكتاب .. بدون ماذاكر :)

تم إدخال هذه البيانات في في يناير 21, 2008 في 7:09 م وهي متضمنة تحت Uncategorized. يمكنك متابعة الردود على هذه التدوينة من خلال الخلاصات 2.0 You can leave a response, or trackback from your own site.

17 تعليقات إلى “{ حصص التاريخ .. وماأدراك ماهي !!”

  1. اشراق يقول:
    يناير 21, 2008 عند 10:14 م | رد

    دائما الدرس / الماده اللي تحبينه / ها .. ما يُنسى ..

  2. !i مرجوجـهـ i! يقول:
    يناير 22, 2008 عند 2:24 م | رد

    الللللله وناااااااااااااااصهـ

    المفروض المدرسة تعطيكم كلكم درجاات كاااملة :D << احلفي

    من جد تحمسون أحس الحصة كانت ونااسة

    وصح دايما إذا كان في الحصة حركاات وأكشن ماتنسين ولا معلومة منها إلين تعجّزين :) <قوووية

  3. بسمهـ يقول:
    يناير 23, 2008 عند 9:31 م | رد

    اكثر شي لفت انتباهي ..

    الاوان الي تستخدمينها للتخطيط..

    كثيييييييييييييييير..

    ماشاء الله رايقه ..

    تدرين في اختباراتي..

    استخدم قلم واحد بس ولو ضاع

    معرف اذاكر..

    بحاول اتعلم..

    على فكره

    ملونتك حلوووه

  4. coloration يقول:
    يناير 23, 2008 عند 10:11 م | رد

    ~ مرجوجهـ :

    صح صح .. بعد كل اللي سويناه لن نرضى بأقل من الدرجة الكاملة :> << احلفي انتي بعد
    الحصة شوي عليها كلمة وناسة ..
    حتى بعد ماعجز ماراح انساها .. :)

    ~،،~،،~

    ~ بسمهـ :

    أكيد .. الألوان دخل كل شي بحياتي :)
    انا عكسك .. لو مالونت الكتاب معرف أذاكر ..

    أشرقت لألواني بمروركم (F)

  5. coloration يقول:
    يناير 23, 2008 عند 11:05 م | رد

    إشراق :
    ايه والله .. واذا حبيتي المعلمة بعد .. تحببك بالمادة كلها ..
    بالنسبة لي التاريخ ماحبه .. عشان كذا من رابع وحنا ناخذ نفس الدروس ..
    ومع ذلك ألاقي صعوبة فكل مرة أّذاكر :(

  6. لسعة شقاوة يقول:
    يناير 23, 2008 عند 11:23 م | رد

    فلللللللله والله

    بجد لو كلنا نسوي كذا

    ماراح ننسى المعلومات

    بس الحمدلله ان معلمتكم تفاعلت معكم

    تبين الجد هالماده وخاصة في هالسنه

    عقدتني

    مدونتك رائعه

    آسفة عالاطاله

    تقبلي مروري :)

  7. انسانة يقول:
    يناير 24, 2008 عند 10:58 ص | رد

    وااااااااااااااو

    اتذكـر فيـ حصة التاريخـ مرهـ

    اممم مدريـ درسـ معركة الدرعيهـ اظنـ

    قالتـ لنا الاستاذهـ ،، جيبوا مسدسات وانواع القذائف

    ولما بدت الحصهـ انقسم الفصل قسمين والاستاذهـ انضمت معنا

    وبدا القتااال ،، خخخخخخخخخخـ

    تشوفينا كأننا مبببزرهـ ،، بس ونااسهـ هع

    مدونتكـ رااائعهـ ياراائعهـ

  8. faith يقول:
    يناير 24, 2008 عند 2:05 م | رد

    هههههههه
    منجد وناسة تدرين انبسطت انه في احد معاي ثالث بس أنا علمي يعني هالتحشيش أبدا مو عندنا احنا يالله يمدينا نكلم بعض مرة زحمة وضغط …

  9. coloration يقول:
    يناير 24, 2008 عند 6:18 م | رد

    ~ لسعة شقاوة :

    ماكنا متوقعين المعلمة تتفاعل ابد ..
    بس تشجيعها كان مرة محفز لنا (F)
    وترى قلت لكم شوي من تفاعلها .. والا في اشياء سوتها بس ماقلتها :D

    ~ انسانة :

    خطيييييييرييييين .. من جد من جد ونسسس ..
    يللا جبتي لنا فكرة :D
    بنسويها ان شاء الله .. وبقولكم نتايج المعركة :)

    ~ فيث :

    هلا والله ببنت ثالث .. :)
    حنا بعد مو ملحقيين ع شي ..حتى السبورة مافي وقت نمسحها ..
    ماتطلع المدرسة الا اذا جت اللي بعدها وطلعتها :S
    بس عشان نخفف من الضغط نحاول نسوي اي شي ..
    والحمدلله بعض مدرساتنا متعاونات معنا << لاحظي بعض ..

    برايفت لفيث وانسانة :

    ( انتو الثنتين شمدخلكم وانتو ثالث :@
    مابي اشوفكم الا بعد الامتحانات <<ناسية نفسها الاخت ) ..

  10. Photon يقول:
    يناير 27, 2008 عند 11:51 ص | رد

    كولوريشن ،، يختي تجنن انتي ومدونتك :D
    ذكرتيني كان عندي درس ” علم بلادي ” ولبست اخضر وعليه بروشات الملك عبدالله (الي مايخلو منها ولا بيت)وحطيت كحل اخضر وجبت معاي علم كبير ،،
    تقولي المديره :وسيله متحركه لووول :D
    عاد من بكره جو طالباتي جايبين اعلاااام ومدهرين ..اقلقوني لوول …
    انا زيّك بسالفه الهايلايتر ،،تصير كتبي كلها الوان ، وبوست ات ملون ,, عشان ارتاح نفسيا ,,

    صح : كيف تذاكرون تاريخ :S ?

  11. coloration يقول:
    فبراير 2, 2008 عند 9:10 م | رد

    ~فتون :

    أهلن أهلن نورتي ^_^

    ياليتني حضرت درسك .. من جد ياحظ طالباتك ..

    أجل وسيلة متحركة خخخخخخخخخخخخخخـ ..

    كتبي كلها ملونة .. ماقدر اذاكر الا بعد التلوين ..

    الحين اناظرها متحسفة ارميها ..

    تبعت فتلوينها :P

  12. KaWaii GiRl يقول:
    فبراير 3, 2008 عند 3:16 م | رد

    يــــــاكره التاريخ كم اكرهه :(

    ياناس انا اتحمل كل المواد الا التاريخ ليش مدري الله اعلم بس تسذا من الله مااحبه بتقولون لي وش هالوطنيه عليك بقولكم مدري :\

    بس اهم شي انكم تحمستوا للدرس ههههههههههههههه

    والله احس كذا تسوون جو ياهي حصص التاريخ كانت ممله :\

    نايس بلوق والله عجبني كله الوان وحياه

    KEEP IT UP HONEY

  13. basoom يقول:
    فبراير 9, 2008 عند 2:36 م | رد

    التاريخ حلو بس تقرينه لكن تحفظينه لااااااا .. :(

    ملونهـ ..
    مدونتك ماشاء الله تبارك الله حلوة ..
    هذا وأنتي مشغوله .. نبي نشوف السنع بعد المعدل :) ..

    أتمنى تشرفين مدونتي

  14. basoom يقول:
    فبراير 9, 2008 عند 2:37 م | رد

    معليش ماطلعت المدونه
    basooom.wordpress.com

  15. female يقول:
    فبراير 21, 2008 عند 11:31 ص | رد

    ياسلااااااام على أفكاركم ..
    والله انتوا خطيرين :)

  16. mbet0hm يقول:
    فبراير 23, 2008 عند 10:25 م | رد

    اوووة غيروا كتب التاريخ ..!!

    انا لما كنت بالثالث كنا اول دفعه لتغير منهج التاريخ والحمدلله انى مالحقت على المنهج القديم الصعب :( ..

    بس حلو انكم تسون جو بالحصة على شان تغيرون روتين :) ,,

    ولما الطالبة تشرح الدرس تثبت المعلومة اكثر من المعلمة لانها توصلها لكم بنفس طريقتكم وتفكيركم ..

    موفقين يارب

  17. coloration يقول:
    مارس 12, 2008 عند 7:27 م | رد

    ~كاواي قيرل :

    لاتشكي لي أبكي لك :’ (

    سبحان الله ماعرف احد يحب هـ الكتاب ..

    والمشكلة ناخذ نفس المهج الف مرة ..

    كله إعادات ،، الله يصبرنا بس ..

    ~بسوم :

    زرت مدونتك ^_^

    so nice

    ~فيميل :

    وانتي اخطر >> توني قارية بوست الدرس النموذجي :]

    ~مضيعة :

    غيروا والا ماغيروا التاريخ ثقيل دم :/

    الحمدلله خلصنا التيرم الاول ،، عقبال مانفتك منه نهائياً ..

    /

    /

    /

    مروركم أنعش ألواني (f)

اترك رد