I miss you ll

 ( ينصح بتشغيل آهات قبل قراءة التدوينة التالية )

  

اليوم بنام وهو مو جمبي ..

لاب توبي راح يتعالج .. ومادري متى بيرجع ..

تخيلوا انحرم من اللاب بكبره عشان عضو واحد فيه ..

عشان الكيبورد بس خرب .. ماينام لاب توبي جمبي .. ؟ !!

بس والله هـ الكيبورد صبر وتحمل كثير .. كل شي متوقع وغير متوقع ممكن تلقونه بين فتحات أزراره الناعمة ..

كان صابر ومايتكلم ابد .. بس فجأة انفجر البركان .. وقال بأسى آسف لن اكمل ..

   

متخيلين اللاب توب بدون كي بورد ؟

يعني حرمة بدون لسان ..

تقرا بوست وااو مرة خطير البوست ..

تنزل تحت متحمس بتعلق ..

تضغط تضغط وتكتب وانتر وحوسة وترفع راسك للشاشة ..

ماتلقى شي انكتب ..

   

كله بسبب كوب الشاي ..

انكب بالغلط والله ..والله بالغلط ..  بس كيبوردي حساس و دلووع ويحق له ..

بعدين هو انكب عـ حرف الـ ( ظ ) حرف الـ (ض) يخرب ليه ؟

هذا باقصى الجنوب الغربي والثاني باقصى الشمال الشرقي ..

بس اللقافة شينة ..

   

 أوجه خطابي ومناشدتي للاب توبي العزيز .. ( ارفعوا صوت الآهات شوي )

صدقني انسكاب الشاي عليك لايعني اني لا أهتم بك ..

بل اني اعاني كثيرا كثيرا بشكل لا تتصوره ..

اطر اهل البيت طراً لاستعمل لابتوباتهم لدقائق معدودة ..

وانا مغمضة عيني واتخيل اني ممسكة بك .. فجأة يسحب مني اللاب توب بوجه غاضب يقول : ( خلصت الدقايق ) ..

 أرأيت كيف انذل كثيرا لاتذكر لحظاتي معك .. ؟

بعدين ياخي ألا يكفي اني فقدت كوب الشاي الدافئ  ولم استمتع بشربه .. وتزعل انت بعد ..

<< خربت الاخلاق ..

ترجع لي بالسلامة ان شاء الله .. وماتشوف شر ..

 

 

 I really love you ,need you and miss you