ll بشآرآتـ~

على طاري الواجب التدويني الجديد حق الاخبار ..

اللي بحله بعد شوي ان شاء الله << ماخفت من زاحفة للمجهول ..

هذي نشرة أخبار أو نشرة بشارات ..

احلى شي بالحياة لما تجي بشارات ورا بعضها بعد هموم ورا بعضها ..

  اول خبر وأهم خبر وأحلى خبر ..  رجع لاب توبي امس ..

هذي اول تدوينة بالكيبورد الجديد .. الله يبعده عن الشر واكواب الشاي ..

المشكلة اني اكتب الحين وكاس الشاي جمبي .. 

وبرجوع لاب توبي ترجع اشياء كثيرة ..

منها قائمة اناشيدي المفضلة ..

وهـ اشتقت لها .. شين تصفح النت بدون ( ياليل يابحر السكون و ياعيوني ….الخ ) 

والشي الاهم رجع لي قارئ الخلاصات .. الحين اقدر ارجع اتابع مدوناتكم ..

الشي الثاني .. جددنا اشتراك الدي اس ال ..

يعني النت معد يقطع وقوة الاشارة ممتاز ..

والله يخلي للجيران شبكتهم ..

 آخر شي انضمت لعالم التدوين مدونة جديدة ..

 أحوال

وهي اول بشر يعرف عن مدونتي ..

قصدي انها من عالمي الصدقي وعلمتها اني سويت مدونة ..

وعلى قولتها :  ( انا من الناس اللي غير ) ..

الشي الشين الي حصل من الشينة احوال ..

كنت امشي معها ببعض الخطوات وهي تسوي مدونتها ..

ومادري شسويت ووخرت القائمة اللي عاليسار ..

طارت وعيت ترجع مرة ثانية ..

اممم بمناسبة الكلام عن المدونات ..

لما رجعت بعد انقطاعي .. افتقدت مدونتين ..

مدونة فيث لما اضغط على رابطها يقولي انها انحذفت ..

ومدونة  عالم أسماء موجودة بس  مالقيت فيها اي شي ..

في أحد يعرف عنهم شي ؟ هالمدونتين كانت من اول المدونات اللي اضفتهم ..

صعب ارجع مالقاهم ..

انتهت نشرة البشارات .. تمنيت من كل قلبي ان يكون من ضمنها نزول مطر ..

مشتآقة مشتآقة مشتآقة للمطر .. !

 

*تحديث :

طلعت ظالمة أحوال وقدرت أرجع القائمة الحمدلله